(2).gif)
जापानको यामागुची प्रिफेक्चरको इवाकुनी सहरको इमाजु नदीमा पौडी खेल्दै गर्दा दुई नेपाली युवाको मृत्यु भएको छ । जापानी संचारमाध्यमहरुले २० बर्ष माथिका दुई नेपाली भएको पुष्टि गरेपनी नाम ठेगाना केही खुलाएका छैनन् ।
मंगलवार दिउँसो चार जना नेपाली नदिमा पौदिखेल्न पुगेको र करिब ४ः२० बजे एक नेपालीले आफूसँग भएको साथीलाई नदेखेपछी दमकल विभागलाई खबर गरेको समाचारमा जनाईएको छ । अग्नी नियन्त्रकहरूले उद्धारको क्रममा एकजनालाई करिब ४ः४५ बजे र अर्कोलाई साँझ ५ः४० बजे करिब २ देखि २.५ मिटर गहिराइमा भेटेका थिए ।
दुबैजनालाई कार्डियोपल्मोनरी अरेस्टको अवस्थामा अस्पताल लगिएको थियो र दुबैको मृत्यु भएको पुष्टि अस्पतालले गरेको थियो । प्रहरीले घटनाको थप अनुसन्धान गरिरहेको छ ।
